„Fyrst og fremst bara lukkulegur og hamingju samur með að hafa loksins unnið hérna á Þórsvelli í deild,“ Sagði Páll Viðar Gíslason þjálfari Þórs nokkuð kátur eftir 2-1 sigur á Haukum í kvöld.
Lestu um leikinn: Þór 2 - 1 Haukar
Evrópukeppnin virtist hafa áhrif á leik Þórsara, fór orkan svona mikið í það verkefni?
„Eins og ég hef sagt áður þá gáfum við allt í þessa Evrópukeppni, þetta var ævintýri og þetta var gaman. Það var annaðhvort að gera þetta eins og menn eða taka þetta eins og túristar.“
„Vissulega eru menn þreyttir og ég hef kannski ekki gefið nógu mörgum mönnum séns, það er bara minn höfuðverkur. Ég geri eflaust fullt af mistökum og allt svoleiðis en þetta eru sterkir strákar. Undir álagi eru þeir að leggja sig fram og það er það sem ég bið um.“
Þórsarar spiluðu í dag með nýjan framherja sem skoraði í sínum fyrsta leik.
„Þetta er góður leikmaður, ég held að það hafi ekki farið framhjá neinum. Hann er mjög sterkur og hæfileikaríkur fótboltamaður sem kemur með auka vídd í okkar leik.“
Nánar er rætt við Pál í sjónvarpinu hér fyrir ofan.
