,,Menn voru að gera það sem fyrir þá var lagt og menn fengu klárlega færi til að skora," sagði Eystienn Húni Hauksson þjálfari Hattar eftir 1-2 tap heima gegn Þór í gærkvöldi.
,,Þetta er gríðarlega svekkjandi, sérstaklega gagnvart þessum þolinmóðu áhorfendum okkar sem fjölmenntu og stóðu sig frábærlega í kvöld og eru búnir að standa vel við bakið á okkur þó það hafi gengið illa að safna stigum og sigrum. Að ná ekki allavega einu stigi út úr þessu. Ég er algjörlega orðlaus."
Srdjan Rajkovic markvörður Þórs átti að fá að líta rauða spjaldið í lok leiksins þegar hann varði með höndum fyrir utan teig og varði svo vítaspyrnu frá Högna Helgasyni framherja Hattar síðar í leiknum.
,,Ég segi það bara að mér finnst með ólíkindum að ágætur vinur minn, Þórsarinn, sé að kvarta undan dómgæslunni því að það á klárlega að vera rautt spjald. Plús það að Orri stórvinur minn er klárlega með tvö gulra spjalda brot í fyrri hálfleik en fær bara eitt. Það virðist vera eitthvað mottó hjá dómaranum að spjalda ekki á fyrstu fimm mínútunum. Þetta er búið að gerast trekk í trekk í sumar."
,,Ef hann tekur hann með hendinni þarna fyrir utan teig þá hlýtur það að vera rautt spjald. Ég veit allavega ekki betur."
Nánar er rætt við Eystein í sjónvarpinu hér að ofan.
Athugasemdir