Einn leikur fór fram í danska boltanum nú í kvöld, en þar tókst FC Kobenhavn að sigra AGF frá Árósum með þremur mörkum gegn engu.
Cesar Santin skoraði tvívegis fyrir FCK og þá skoraði Andreas Cornelius eitt mark í öruggum sigri.
Ragnar Sigurðsson lék allan leikinn í hjarta varnarinnar hjá FCK og þá lék Aron Jóhannsson fyrstu 66 mínúturnar í fremstu víglínu hjá AGF.
Sölvi Geir Ottesen var fjarri góðu gamni í dag hjá FCK, en hann er frá vegna meiðsla og verður því ekki með íslenska landsliðinu gegn Færeyjum á miðvikudag.
