Einum leik er lokið í Pepsi-deild karla, en þar vann ÍBV nokkuð auðveldan sigur á Fylki í Árbænum.
Það var fjör í fyrri hálfleiknum er Fylkir fékk ÍBV í heimsókn í Árbæ. Víðir Þorvarðarson kom Eyjamönnum yfir strax á 1. mínútu og þá bætti Þórarinn Ingi Valdimarsson við öðru marki úr vítaspyrnu á 9. mínútu.
Andri Þór Jónsson varð fyrir því óláni að skora í eigið net og þá skoraði Christian Steen Olsen fjórða mark Eyjamanna og stóðu leikar þannig í hálfleik. Ekkert var skorað í þeim síðari og lokatölur því 0-4.
ÍBV áfram í þriðja sæti með 26 stig, en Fylkir er áfram í áttunda sæti með 20 stig.
Umfjöllun og viðtöl koma síðar í kvöld.
Úrslit og markaskorarar:
Fylkir 0-4 ÍBV
0-1 Víðir Þorvarðarson ('1 )
0-2 Þórarinn Ingi Valdimarsson ('9, víti )
0-3 Andri Þór Jónsson ('23 )
0-4 Christian Steen Olsen ('39 )
