Alfreð (til vinstri) á varamannabekk Íslands í gær.
Alfreð Finnbogason hefur skrifað undir þriggja ára samning við hollenska úrvalsdeildarliðið Heerenveen en frá þessu er greint á vefsíðu Heerenveen.
Þessi 23 ára framherji kemur frá Lokeren í Belgíu en Heerenveen hafnaði í fimmta sæti hollensku deildarinnar á síðasta tímabili.
Þessi 23 ára framherji kemur frá Lokeren í Belgíu en Heerenveen hafnaði í fimmta sæti hollensku deildarinnar á síðasta tímabili.
Alfreð hefur farið á kostum með sænska liðinu Helsingborg þar sem hann spilaði á lánssamningi. Útlit var fyrir að hann myndi alfarið fara til Helsingborg en skyndilega tóku málin þessa óvæntu stefnu.
Goðsögnin Marco van Basten er þjálfari Heerenveen.
Alfreð er þriðji Íslendingurinn í hollensku úrvalsdeildinni en þar leika einnig Kolbeinn Sigþórsson hjá Ajax og Jóhann Berg Guðmundsson hjá AZ Alkmaar.
Athugasemdir
