AZ Alkmaar vann góðan 3-1 sigur á Heracles er liðin mættust í hollensku deildinni fyrr í dag.
Jóhann Berg Guðmundsson byrjaði á varamannabekknum að þessu sinni, en hann fékk að spreyta sig síðustu 25 mínútur leiksins.
Hann byrjaði einnig á bekknum í síðasta leik gegn Ajax er liðið gerði jafntefli, en þá kom hann við sögu á svipuðum tíma.
Þjálfari AZ hefur þegar lýst yfir því að Jóhann fái fleiri sénsa með liðinu í ár og að hann komi til með að spila stóra rullu í liðinu, en AZ endaði í öðru sæti hollensku deildarinnar í fyrra, á eftir Ajax.
