Það er ekkert gefins að skora fallegt mark þegar leikmaður er hlaupandi á harðaspretti á báðum fótum, en hvað þá þegar leikmaðurinn er bara með eina löpp?
Nico Calabria, framherji Concord-Regional High School í Bandaríkjunum skoraði heldur betur fallegt mark í leik á dögunum eftir hornspyrnu.
Markið myndi ekki vekja athygli nema fyrir þær sakir að leikmaðurinn er einungis með einn fót og því töluvert erfiðara að skora mörk yfir höfuð fyrir hann.
Það aftraði hann þó ekki frá því að skora þetta magnaða mark, sem sjá má að neðan. Geri aðrir betur!
