Samkvæmt Daily Mirror er danski varnarmaðurinn Daniel Agger að ganga frá nýjum fjögurra ára samningi við Liverpool.
Mun samningurinn færa honum 75 þúsund pund í vikulaun.
Mun samningurinn færa honum 75 þúsund pund í vikulaun.
Agger er 27 ára og er talið að hann muni jafnvel skrifa undir fyrir leik Liverpool gegn Udinese í Evrópudeildinni annað kvöld.
Það er þó mjög ólíklegt að hann muni koma við sögu í sjálfum leiknum þar sem hann er enn að glíma við smávægileg meiðsli í hné sem hann hlaut í tapinu gegn Manchester United. Meiðslin eru ekki alvarleg en líklegt að hann verði hvíldur á morgun.
Talið er að hinn 18 ára Suso muni einnig skrifa undir nýjan samning við Liverpool síðar í vikunni.
