Það átti eftir að opinbera úrvalslið síðustu umferðar í ensku úrvalsdeildinni. Betra er seint en aldrei. Eins og oft áður var leitað í smiðju Sky Sports þar sem Adam Battensby hafði yfirumsjjón með valinu að þessu sinni.
Markvörður: Simon Mignolet - Sunderland
Belgíski landsliðsmarkvörðurinn var í stuði þegar Sunderland vann fyrsta úrvalsdeildarleik sinn á tímabilinu.
Hægri bakvörður: Glen Johnson - Liverpool
Vann vel upp og niður vænginn og átti enga sök á mörkunum sem Liverpool fékk á sig.
Miðvörður: Ryan Shawcross - Stoke City
Var sóknarmönnum Swansea ótrúlega erfiður viðureignar.
Miðvörður: Jan Vertonghen - Tottenham
Skoraði þegar Tottenham vann Manchester United í fyrsta sinn á Old Trafford síðan 1989.
Vinstri bakvörður: Leighton Baines - Everton
Var hvíldur þegar Everton tapaði óvænt gegn Leeds en var mættur í stuði gegn Southampton.
Miðjumaður: Gareth Bale - Tottenham
Rio Ferdinand og félagar í vörn Manchester United réðu engan veginn við hraða Bale. Skoraði mark og lagði annað upp.
Miðjumaður: Nuri Sahin - Liverpool
Mjög skapandi í 5-2 sigri Liverpool gegn Norwich. Átti miðjuna.
Miðjumaður: Michael Kightly - Stoke City
Hefur smellpassað í leikstíl Stoke og átti stórgóðan leik í 2-0 sigri gegn Swansea.
Sóknarmaður: Sergio Aguero - Manchester City
Skoraði annað markið í 2-1 sigri á Fulham. Hljóp mikið og lagði sig allan fram.
Sóknarmaður: Nikica Jelavic - Everton
Skoraði í tvígang í 3-1 sigri gegn Southampton.
Sóknarmaður: Luis Suarez - Liverpool
Leikmaður umferðarinnar. Skoraði þrennu og átti að fá vítaspyrnu að auki.
Sjá einnig:
Fyrri úrvalslið í enska
