Ezequiel Lavezzi hjá PSG kom inn sem varamaður á 73. mínútu þegar liðið tapaði fyrir Porto í Meistaradeildinni í gær. Hann var tekinn af velli sjö mínútum síðar en eftir það kom eina mark leiksins. Carlo Ancelotti, þjálfari PSG, segir að Lavezzi hafi farið af velli vegna meiðsla en miðað við viðbrögð leikmannsins er erfitt að trúa því.
Lavezzi gekk í raðir PSG frá Napoli í sumar en sögur herma að hann sé strax orðinn óánægður og sakni Ítalíu.
