Jose Mourinho, þjálfari Real Madrid á Spáni, var ánægður með 1-4 sigur liðsins á Ajax í Meistaradeild Evrópu í gær.
Cristiano Ronaldo skoraði þrennu fyrir Madrídinga og þá skoraði Karim Benzema eitt mark, en Madrídingum hefur ekki gengið sem best á tímabilinu en hefur þó náð sigrum í tveim fyrstu leikjunum í Meistaradeildinni.
,,Ég var mjög hrifinn af liðinu mínu í 75 mínútur. Við höfðum tökin á leiknum í fyrri hálfleik," sagði Mourinho.
,,Við misstum tökin svo þegar Ajax skorar mark sitt á 56. mínútu en svo skorum við okkar þriðja mark og þá sáu leikmenn Ajax að þetta var búið og við tókum stjórnina," sagði Mourinho.
