fim 04.okt 2012 11:40
Kristján Finnboga ætlar að vera áfram í Árbænum
,,Ég reikna með að vera áfram í Árbænum, ég á ekki von á öðru," sagði Kristján við Fótbolta.net í dag.
Kristján er 41 árs gamall en í sumar var hann markmannsþjálfari Fylkis sem og varamarkvörður á eftir Bjarna Þórði Halldórssyni. Kristján kom við sögu í þremur leikjum í sumar og var meðal annars hetja Fylkis gegn FH í 32-liða úrslitum Borgunarbikarsins.
Kristján reiknar með að æfa áfram með Fylki en hann veit þó ekki hvort hann verði áfram varamarkvörður eða ekki.
,,Ég ætlaði ekki að spila neitt í sumar, ég vonaðist til að Bjarni myndi ná þessu öllu en maður veit aldrei hvað verður," sagði Kristján.
,,Maður verður örugglega eitthvað með á æfingum en við erum með einn ungan og gríðarlega efnilegan strák (Ólaf Íshólm Ólafsson) sem var á yngsta ári í öðrum flokki í ár. Hann verður árinu eldri og það er spurning hvernig þetta verður."
Athugasemdir
Nýjustu fréttirnar
