Magnús Már Einarsson skrifar frá Albaníu
,,Völlurinn var gríðarlega erfiður og þetta var eitt moldarflag, líka áður en það byrjaði að rigna svona mikið. Það var mikilvægt að klára leikinn að klára leikinn og ná þessum stigum. Við lögðum upp með að ná í eitt stig en að ná þremur er frábært," sagði Grétar Rafn Steinsson hægri bakvörður Íslands eftir 2-1 sigurinn á Albaníu í kvöld.
,,Það var gífurlegur karakter í liðinu. Samastaðan var frábær á erfiðum útivelli á móti góðu liði þar sem dómarinn var aðeins nær þeim. Þetta eru virkilega góð stig, þetta er óvænt en virkilega ánægjulegt."
Ísland mætir Sviss á Laugardalsvelli á þriðjudaginn og Grétar segir að sá leikur sé einn sá stærsti í langan tíma hjá landsliðinu.
,,Ég held að Sviss leikurinn sé einn sá stærsti sem við höfum spilað. Að vera komnir með sex stig eftir þrjá leiki er gífurlega sterkt og að eiga möguleika á að komast ennþá hærra í riðlinum er frábært."
Hér að ofan má sjá viðtalið í heild sinni.
