,,Við erum búnir að fagna því og sáttir með það, en nú tekur við nýr leikur og það er það eina sem við hugsum um," sagði Alfreð Finnbogason, leikmaður Heerenveen og íslenska landsliðsins í dag.
,,Þetta gerist ekki betra en Laugardalsvöllinn eins og þeir tala um, en þetta verður ekkert sambærilegt við síðasta leik. Þetta var alveg einstakt, ég hef aldrei spilað svona fótboltaleik áður og ég held að margir aðrir geta kvittað undir það líka, en það var enginn fótbolti í þessum leik, það var bara vonað það besta."
,,Núna á morgun þá spilar Sviss mjög góðan bolta ef við getum stoppað það og nýta okkur skyndisóknirnir þá getum við átt von á góðum úrslitum."
,,Eins og við segjum alltaf þá förum við inn í alla leiki til að fá þrjú stig. Sviss er engin undantekning á því, þeir koma örugglega særðir eftir eitt stig og ætla sér að vinna alla leiki og voru náttúrulega á stórmóti síðast, þannig þeir telja sig sterkasta liðið í hópnum."
,,Við vorum á léttum fundi hvernig þeir spila í morgun, þannig við erum komnir með léttar hugmyndir hvernig þeir spila. Þeir eru með gríðarlega sterkt sóknarlið, þannig við þurfum að vera fljótir til baka í stöður og nýta okkur skyndisóknirnir, þegar þeir kasta mörgum mönnum fram þá ætti að vera pláss fyrir aftan þá."
,,Já ég held að það séu 3-4 sem voru að spila sem eru í liðinu núna sem sýnir að það er að koma góð kynslóð þarna upp. Það þekkja allir menn þessa Shaqiri, Xhaka og þessa gæja, þetta eru nálægt því að verða heimsklassa leikmenn," sagði Alfreð að lokum.
Hægt er að sjá viðtalið í heild sinni hér að ofan.
