Matthias hefur ekki séð mikið af Gylfa
,,Staðan í riðlinum er mjög góð fyrir leikinn, svo þetta verður stór leikur fyrir bæði lið," sagði Matthias Hueppi, íþróttafréttamaður hjá DRS í Sviss við Fótbolta.net í dag.
Matthias hefur mikla reynslu sem íþróttafréttamaður í Sviss, en hann hefur bæði lýst leikjum í útvarpi og sjónvarpi síðustu áratugi og er einn fremsti fréttamaður Svisslendinga en hann ræddi leikinn gegn Íslendingum í dag.
,,Við vitum ekki nákvæmlega hversu sterkir Íslendingar eru sem lið, en Sviss hefur spilað gegn Íslandi áður, þannig sterkir, með baráttuanda, lið sem hefur bæði komið á óvart og ekki."
,,Ég hef bara séð hluta af leiknum gegn Albaníu og svo gegn Noregi, sem hefur komið mér mjög á óvart."
Sviss gerði jafntefli gegn Norðmönnum á dögunum, þar sem Brede Hangeland jafnaði þegar nokkrar mínútur voru eftir.
,,Ég er ánægður með jafnteflið þegar flautað var til leiksloka. Fyrir leikinn vildum við vinna þennan leik líka. Það hefði verið besta byrjun í sögu Sviss að fá níu stig af níu mögulegum, en sjö stig er fínt líka."
,,Ég held að þetta sé besta liðið frá því við spiluðum á HM í Bandaríkjunum árið 1994, þá vorum við með virkilega sterkt lið og ég held að þessi tvö lið séu þau bestu í sögu Sviss."
Matthias hefur ekki séð mikið af leikmönnum íslenska landsliðsins, þá hefur hann sé lítið af Gylfa Þór Sigurðssyni, leikmanni Tottenham Hotspur.
,,Ég hef lesið um hann og veit suma hluti um hann, en ég hef ekki séð mikið af honum. Ég hef heyrt að hann sé mjög hæfileikaríkur, svo Svisslendingar verða að vera mjög varkárir."
,,Það er erfitt að segja, en akkurat núna þá væri eitt stig mjög gott fyrir okkur. Það væru mjög góð úrslit fyrir Sviss," sagði hann að lokum.
