,,Þetta var góður leikur. Ísland hefur góða leikmenn og við þurftum að grafa djúpt til að ná þessum úrslitum," sagði Johan Djourou varnarmaður Svisslendinga eftir 2-0 sigur liðsins á Íslendingum á Laugardalsvelli í kvöld.
,,Mér fannst þetta var 50/50 leikur. Markvörður okkar varði nokkrum sinnum vel frá Íslendingum."
Djourou, sem leikur með Arsenal, hreifst af íslenska liðinu í leiknum í kvöld.
,,Mér finnst íslenska liðið mjög gott. Þeir hafa mjög góða og fjölhæfa leikmenn og reyna að spila fótbolta. Þeir voru erfiður andstæðingur í dag og þeir eiga möguleika í þessum riðli."
Hér að ofan má sjá viðtalið í heild sinni.
