fös 13. desember 2013 17:28
Magnús Már Einarsson
Valerenga leggur fram tilboð í Viðar Örn
Mynd: Fótbolti.net - Einar Ásgeirsson
Norska félagið Valerenga hefur lagt fram tilboð í Viðar Örn Kjartansson framherja Fylkis.

Þetta staðfesti Ólafur Geir Magnússon í stjórn knattspyrnudeildar Fylkis í samtali við Fótbolta.net í dag.

Að sögn Óla Geirs eru Fylkismenn að skoða tilboðið í augnablikinu.

Viðar Örn fór til Valerenga á reynslu í haust og félagið vill nú fá hann í sínar raðir.

Viðar Örn samdi við Fylkismenn síðastliðinn vetur en hann var næstmarkahæstur í Pepsi-deildinni í sumar með 13 mörk.

Valerenga endaði í ellefta sæti í norsku úrvalsdeildinni á nýliðnu tímabili.
Athugasemdir
banner
banner
banner
banner
banner