Luis Suarez, framherji Liverpool segir að það sé ekkert leyndarmál á bakvið góða samvinnu hans og Daniel Sturridge en þeir hafa samanlagt skorað 45 mörk á tímabilinu.
,,Það er ekkert alvöru leyndarmál. Það besta er að vörnin er ekki einungis að horfa á það sem Suarez gerir. Við búum til svæði fyrir hvorn annan og liðsfélaga okkar sem nýta sér það líka. Ef við erum dekkaðir þá er einhver annar ekki dekkaður," sagði Suarez.
,,Daniel er frábær náungi og hann fær mig Lucas [Leiva] og Philippe [Coutinho] alltaf til að hlæja með því að tala tungumálin okkar."
,,Það voru margir Brasilíumenn hjá Chelsea svo portúgalskan hans er ekki slæm. Hann ætti að tala hana á HM í sumar því hann þekkir tungmálið."
Athugasemdir
