Gylfi Þór Orrason er einn þekktasti stuðningsmaður West Ham á Íslandi. Hann var í viðtali í útvarpsþættinum Fótbolti.net á laugardag og er hægt að hlusta á viðtalið í spilaranum hér að ofan.
Leikaðferð Stóra Sam Allardyce hefur verið gagnrýnd harðlega en áhorfendur liðsins bauluðu á hann þrátt fyrir sigur gegn Hull í síðustu viku.
Leikaðferð Stóra Sam Allardyce hefur verið gagnrýnd harðlega en áhorfendur liðsins bauluðu á hann þrátt fyrir sigur gegn Hull í síðustu viku.
,,Ég baulaði hátt og hafði skilning á þessu. Ég er búinn að fá nóg af þessum fótbolta sem West Ham er að spila og hvernig þetta er byggt upp á löngum boltum," segir Gylfi.
,,Það er verið að ná í allskonar skápa til að spila þrátt fyrir að vera með eitt besta unglingaliðið. Það þekkist ekki hjá Stóra Sam að nota uppalda leikmenn. Menn vilja hafa sínar hetjur í liðinu sínu og búið að fara illa með unglingastarfið. Svona vinnubrögð ganga ekki."
,,Það er ,,play ugly" í hverjum leik og fólk er að fá upp í kok af þessari spilamennsku. Boltanum er alltaf sparkað yfir miðjumennina. Varnarmennirnir þurfa að hitta á Andy Carroll og svo mega miðjumennirnir koma inn í leikinn,"
,,Að hann skuli vera hissa á því að baulað sé á hann þegar liðið er spilað sundur og saman á eigin heimavelli gegn Hull. Það er ekki ásættanlegt. Þremur stigum var grísað í land með klaufalegu sjálfsmarki,"
Gylfi hefur ekki í hyggju að fara út og horfa á þetta lið spila.
,,Ég ætla ekki að borga dýrum dómi til að sjá þetta. Ég læt nægja að horfa á þetta í sjónvarpinu. Ég hef farið á Upton Park á hverju ári í nánast 40 ár en ég ætla ekki að pína mig í að fara út og horfa á þessa vitleysu.," segir Gylfi en viðtalið má heyra í spilaranum hér að ofan.
Athugasemdir