„Það vilja allir ná sem lengst í boltanum, spila með sem stærstum liðum. En það eru hraðahindranir á veginum hjá þessum strákum eins og við höfum séð nýverið í viðtölum. Við verðum að vera til taks, bæði þegar gengur vel en sérstaklega þegar það gengur illa," segir Magnús Agnar.

Oft eru umboðsmennirnir málaðir sem neikvæður hlutur í fótboltanum.

„Hjá einhverjum er örugglega maðkur í mysunni en í grunninn er umboðsmaðurinn að vinna eftir sinni bestu sannfæringu og vinna fyrir hönd leikmannsins til að láta hans drauma rætast. En það er erfitt fyrir félög að missa besta leikmanninn sinn og auðvelt að kenna umboðsmanninum um ef leikmaður vill fara."

„Liðin missa oft leikmenn sem þeim finnst erfitt að fá menn í staðinn fyrir. Nýverið fór Jóhann Laxdal og Halldór Orri Björnsson úr Stjörnunni. Það kemur illa við Stjörnuna, það er klárt, og minnkar möguleika liðsins en þessir leikmenn geta ekki orðið atvinnumenn hjá Stjörnunni."

Í viðtalinu sem hægt er að hlusta á í spilaranum hér að ofan tjáir Magnús Agnar Magnússon um starf umboðsmannsins, hvaðan tekjurnar koma, samkeppnina í bransanum og margt fleira.