Samkvæmt heimasíðu Liverpool er bjartsýni hjá félaginu um að Daniel Sturridge verði orðinn klár fyrir leikinn gegn Norwich á sunnudag.
Sturridge var tekinn af velli á 66. mínútu í 3-2 sigrinum gegn Manchester City síðasta sunnudag þar sem óttast var um meiðsli aftan í læri.
Sturridge var tekinn af velli á 66. mínútu í 3-2 sigrinum gegn Manchester City síðasta sunnudag þar sem óttast var um meiðsli aftan í læri.
Skoðun hefur leitt í ljós að meiðslin eru ekki alvarleg og líkur á að Sturridge spili á Carrow Road. Það eru góðar fréttir fyrir Liverpool enda Sturridge verið frábær á tímabilinu.
Hann hefur skorað 23 mörk á tímabilinu, þar á meðal 20 í deildinni. Liverpool trónir á toppi ensku úrvalsdeildarinnar þegar liðið á fjóra leiki eftir.
Liverpool er tveimur stigum á undan Chelsea og ljóst að ef þeir rauðu vinna þá leiki sem eftir eru munu þeir hampa sínum fyrsta enska meistaratitli síðan 1990.
Athugasemdir