Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   lau 19. apríl 2014 19:06
Brynjar Ingi Erluson
Gus Poyet: Leyfum dómaranum að njóta vafans
Gus Poyet
Gus Poyet
Mynd: Getty Images
Gustavo Poyet, knattspyrnustjóri Sunderland á Englandi, var auðvitað í skýjunum með 1-2 sigur liðsins á Chelsea á Stamford Bridge í dag.

Sunderland berst fyrir lífi sínu í ensku úrvalsdeildinni en liðið hefur náð mögnuðum úrslitum gegn tveimur af sterkustu liðum deildarinnar, Chelsea og Manchester City.

Liðið náði 2-2 jafntefli gegn Man City á miðvikudag og var þá liðið í dag fyrsta liðið til þess að vinna Mourinho á Stamford Bridge í deildinni.

Umdeild vítaspyrna á 82. mínútu var það sem skildi liðin að en Fabio Borini kláraði örugglega af punktinum.

,,Þetta var erfið ákvörðun fyrir Mike Dean. Stundum falla þessar ákvarðanir með þér og stundum gera þær það ekki. Við getum endalaust rætt um þetta og samt munum við ekki vita það fyrir víst, svo við verðum að leyfa dómaranum að njóta vafans," sagði Poyet.

,,Það eru mikilvægir leikir gegn Cardiff og WBA heima. Við eigum auðvitað líka eftir að fara á Old Trafford og mæta Manchester United og þar getur allt gerst. Það breytist ekkert hjá okkur, við höfum trú á þessu og munum reyna okkar besta, meira getum við ekki gert," sagði hann að lokum.
Athugasemdir
banner
banner
banner
banner