Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   sun 20. apríl 2014 08:30
Daníel Freyr Jónsson
Heimild: Mirror/Sunday People 
Gerrard spilar í gegnum sársaukann - Meiddur á hæl
Hörkutól.
Hörkutól.
Mynd: Getty Images
Steven Gerrard, fyrirliði Liverpool, glímir við meiðsli á hæl sem valda honum miklum sársauka eftir hvern leik.

Hann er hinsvegar staðráðinn í að láta meiðslin ekki stöðva sig á jafn mikilvægum tímapunkti, en leikmenn og stuðningsmenn Liverpool eru farnir að sjá Englandsmeistaratitilinn fyrir sér í hyllingum.

Samkvæmt Sunday People er Gerrard sárþjáður eftir hvern leik sem hann spilar, en fjögur ný pör af takkaskóm á tímabilinu hafa ekki náð að lina þjáningar hans.

Styðst hann við sérstakan hlífðarbúnað á æfingum til að geta æft af krafti, en Gerrard hefur áður glím við svipuð meiðsl, þó ekki jafn slæm.

Engin læknisfræðileg lausn er á vandamálinu og því þarf Gerrard að bíta í það súra epli að spila með meiðslunum.
Athugasemdir
banner
banner
banner