Danski framherjinn Nicki Bille hjá Rosenborg er í vandræðum eftir að hafa bitið lögreglumann í Kaupmannahöfn um helgina.
Bille er vandræðagemsi en hann ákvað skömmu eftir miðnætti á föstudag að sparka í nokkur reiðhjól á víðavangi.
Lögreglan mætti á svæðið en Bille vildi ekki vera til friðs og á endanum ákvað lögreglan að beita piparúða til að róa hann niður.
Bille lét ekki segjast og beit þá lögreglumann í hendina.
Bille lék áður á Ítalíu og Spáni en hann gekk í raðir Rosenborg í janúar 2013.
Athugasemdir