Sergio Ramos, leikmaður Real Madrid á Spáni, var í skýjunum með 1-0 sigur liðsins á Bayern München er liðin mættust á Santiago Bernabeu í kvöld.
Real Madrid fer með eins marks forskot á Allianz Arena í næstu viku en liðið sigraði fyrri leikinn í undanúrslitum Meistaradeildar Evrópu í kvöld.
Þó svo lið Bayern hafi haldið boltanum vel þá tókst því ekki að skapa nægilega góð færi og tókst því Madrídingum að beita góðum skyndisóknum, þar sem sigurmarkið skapaðist meðal annars.
,,Við lögðum hart að okkur og það var mikil spenna í leiknum. Þetta er frábært lið en með þennan stuðning á Bernabeu þá gerir það allt þetta auðveldara," sagði Ramos.
,,Við erum vanir þessum frábæru markvörslum frá Casillas núna. Hann er svo fáránlega góður markvörður," sagði hann að lokum.
Athugasemdir