„Ég vildi prófa eitthvað nýtt og taka næsta skref á mínum ferli,“ sagði hann í samtali við Vísi í dag.

Haraldur hefur verið á mála hjá norska félaginu Sarpsborg síðan árið 2012 en á þessu ári hefur hann leikið á láni með Strömmen í norsku B-deildinni. Í fyrra lék hann á láni með Fredrikstad í sömu deild.

Haraldur gerir eins og hálfs árs samning við Östersund með möguleika á árs framlengingu.

Östersund er í sjötta sæti B-deildarinnar í Svíþjóð með 25 stig eftir sextán umferðir.