Víkingur Ólafsvík vann flottan sigur á Selfossi í kvöld 2-0 og stimplaði sig af krafti í baráttuna um að komast upp. Ólsarar eru aðeins tveimur stigum frá öðru sætinu.
„Við byrjuðum frekar hægt og Selfoss var miklu betra liðið fyrstu 10-15 mínúturnar. Svo náðum við að vinna okkur inn í leikinn og skora. Eftir það sýndum við góðan leik," sagði Ejub Purisevic, þjálfari Ólafsvíkinga.
„Selfoss er með skipulagt og agað lið en við vorum alltaf líklegir."
Þorsteinn Már Ragnarsson sem er kominn á láni frá KR átti frábæran leik, krækti í vítaspyrnu og skoraði.
„Það er rosalega gott að fá hann, bæði sem fótboltamann og karakter inn í hópinn," sagði Ejub.
„Ef við fáum tækifæri til að fara upp þá ætlum við að grípa það. En eins og deildin er að spilast þá er möguleiki. Það eru fimm til sex lið sem eiga möguleika. Ég ber mikla virðingu fyrir hinum liðunum. Ef við spilum áfram svona eins og við gerðum í kvöld 60-70 mínútur þá erum við ansi líklegir."
Viðtalið má sjá í heild sinni í sjónvarpinu hér að ofan.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir