Indriði Áki Þorláksson mun ganga í raðir FH síðar í dag en þetta staðfesti Birgir Jóhannsson framkvæmdastjóri knattspyrnudeildar við Fótbolta.net í dag.
Einar Karl Ingvarsson gekk í raðir Vals í morgun frá FH og Indriði Áki mun fara í hina áttina.
Einar Karl Ingvarsson gekk í raðir Vals í morgun frá FH og Indriði Áki mun fara í hina áttina.
Indriði er fæddur árið 1995 en hann hefur skorað níu mörk í 29 deildar og bikarleikjum með Val.
FH hefur misst framherjana Albert Brynjar Ingason og Kristján Gauta Emilsson í þessum mánuði.
Albert Brynjar gekk til liðs við Fylki á meðan Kristján Gauti samdi við NEC Nijmegen í Hollandi.
Til að styrkja sóknarleikinn kom Steven Lennon frá Sandnes Ulf fyrir helgi og nú er Indriði Áki einnig á leið í FH.
Athugasemdir