,,Það væri fullkomin byrjun á Þjóðhátíðarhelgi að hefna fyrir síðasta leik gegn KR. Þá töpuðum við 3-2 eftir að hafa komist 2-0 yfir. Við áttum að fá víti í stöðunni 2-0 sem hefði örugglega klárað þann leik en eftir það spiluðum við þetta vitlaust."

,,Við fengum mark í grímuna á 45. mínútu og síðari hálfleik komujm við út og ætluðum bara að verjast. Það gengur ekki á móti liði eins og KR, það þarf að gera meira en það."

Þjóðhátíð fer fram í Vestmannaeyjum um helgina og búast má við stemningu á leiknum í kvöld.

,,Það verður öllu til tjaldað. Hvíti riddarinn, stuðningsmannaliðið úr handboltanum, mætir og þeir verða nokkur hundruð snar geðveikir strákar. Báturinn er fullur í hverri einustu ferð og það verður fjölmennt."

ÍBV varð Íslandsmeistari í handbolta í vor og Eiður vonast til að fótboltaliðið geti líka komið með bikar til Eyja í ár.

,,Það sáu það allir að þegar svona margir Eyjamenn koma saman og leggjast á eitt þá getum við hvað sem er," sagði Eiður að lokum.