Leiknir er í toppmálum í 1. deildinni, trónir á toppi deildarinnar en níu stig eru niður í þriðja sætið.

„KV er með góða leikmenn og það var erfitt að eiga við þá. Mér fannst við samt með leikinn allan tímann þó frammistaðan hafi ekki verið stórkostleg."

Hvernig gengur að halda mönnum á jörðinni í þessari stöðu?

„Það gengur vel. Við erum mjög einbeittir. Fyrir þennan leik vorum við ekki búnir að ná sama stigafjölda og í fyrra. Við höldum bara áfram og njótum þess að spila. Við erum svo virkilega að njóta sumarsins og hafa gaman."

„Við erum líklegastir núna. Við erum í fyrsta sæti en við höfum séð ýmislegt gerast í fótbolta og erum meðvitaðir um það. Svo teljum við upp úr pokanum hans Óla Kristjáns í haust."

Viðtalið má sjá í heild í sjónvarpinu hér að ofan.