,,Ég er ekki ennþá búinn að átta mig á þessu. Ég held að það muni taka smá tíma að átta sig á því hversu stórt þetta lið er," sagði Ingvar Jónsson markvörður Stjörnunnar eftir 1-0 sigur liðsins á Lech Poznan í kvöld.
,,Það hljóta allir að muna eftir þessu alla ævi, líka fólkið í stúkunni. 0-0 hefðu verið frábær úrslit og 1-0 eru stórkostleg úrslit svo við erum hrikalega sáttir."
,,Það hljóta allir að muna eftir þessu alla ævi, líka fólkið í stúkunni. 0-0 hefðu verið frábær úrslit og 1-0 eru stórkostleg úrslit svo við erum hrikalega sáttir."
Ingvar var ekki í markinu gegn ÍBV um síðustu helgi vegna meiðsla en hann var klár í slaginn í kvöld.
,,Ég finn aðeins til. Maður reynir að gleyma þessu bara. Maður fær góða meðferð hjá Frikka fyrir næsta leik. Það er vika í næsta leik og okkur finnst það hellings tími eftir álagið að undanförnu."
Undir lokin hljóp stuðningsmaður Lech Poznan inn á völlinn en Ingvar stöðvaði för hans. ,,Ég hefði kannski átt að sleppa því. Siggi (Dúlla) var síðan fljótur inn á völlinn og hann kláraði hann út í læk," sagði Ingvar.
Hér að ofan má sjá viðtalið í heild sinni.
Athugasemdir