City hafa fengið Bacary Sagna, Fernando Reges, Willy Caballero og Bruno Zuculini í sumar en þeir vilja bæta breiddina í miðverðinum.

,,Við gerum ekki áætlanir fyrir hvert eitt leiktímabil í senn, við gerum áætlanir í tímabilum, og tímabilin geta verið þrjú til fimm leiktímabil," segir Soriano, framkvæmdastjóri City.

,,Fyrir ári vissum við hvaða stöður við þyrftum að bæta og við gerðum það. Við höfum nýjan hægri bakvörð, varnartengilið og munum fá nýjan miðvörð og þar við situr."

,,Við þurfum ekki að kaupa leikmenn bara til að kaupa. Við þurfum leikmenn sem liðið þarfnast því liðið þarf stöðugleika. Við erum með sterkt lið og þetta er annað árið sem þeir spila undir Pellegrini, svo að þeir munu gera mikið betur."