fim 21. ágúst 2014 15:02
Magnús Már Einarsson
Liverpool nær samkomulagi um kaup á Balotelli
Mynd: Getty Images
Liverpool hefur náð samkomulagi við AC Milan um kaup á framherjanum Mario Balotelli.

Kaupverðið hljóðar upp á 16 milljónir punda en Balotelli mun ganga í raðir Liverpool á næstu dögum ef ekkert óvænt kemur upp á.

,,Í dag er minn síðasti dagur hjá Milan. Ég er að fara til Liverpool," sagði Balotelli við liðsfélaga sína á æfingu í morgun.

Fyrr í mánuðinum þvertók Brendan Rodgers stjóri Liverpool fyrir að Balotelli væri á leið til félagsins en nú er það breytt.

Balotelli hefur skorað 30 mörk í 54 leikjum síðan hann kom til AC Milan frá Manchester City í janúar í fyrra.
Athugasemdir
banner
banner
banner
banner