„Við spiluðum rosalega vel í fyrri hálfleik og náðum upp góðu spili. Fyrst og fremst náðum við að loka á sendingarnar þeirra inná miðjuna. Það var ætlunin og þær fundu engar lausnir við pressunni okkar. Það var það sem við ætluðum okkur að gera en mér fannst við hafa getað sett eitt, tvö mörk í fyrri hálfleik og það hefði klárlega breytt leiknum. Svekkjandi að fá á sig mark í seinni hálfleik og við náðum okkur kannski ekki alveg á strik eftir það.“

Íslenska liðið fékk þónokkur færi til að skora í fyrri hálfleik en tókst það ekki. Sara Björk kann engar skýringar á því.

„Þetta féll ekki með okkur í dag. Stundum er þetta stöngin út.“

Jafnfræði var með liðunum í leiknum og Sara Björk segir að gestirnir hafi ekkert komið sér á óvart.

„Þetta er topplið og við vissum alveg hvað þær geta. Við erum ekkert rosalega langt frá þeim og eins og við spiluðum í fyrri hálfleik þá sýnum við að við erum eitt af bestu liðunum og við getum alveg staðið í þeim. Við eigum skilið að fara til Kanada en það verður bara að bíða.“

Nú þegar draumurinn um HM er úr sögunni í bili segir Sara Björk að íslenska liðið muni klára riðlakeppnina með því að spila upp á stoltið. Hún vill svo einbeita sér að því að komast á næsta Evrópumót áður en hún fer að láta sig dreyma um þátttöku í HM 2017.

Hægt er að horfa á allt viðtalið við landsliðsfyrirliðann í sjónvarpinu hér að ofan.