Xabi Alonso mættur til Þýskalands.
Xabi Alonso varð formlega leikmaður FC Bayern München í dag. Þessi 32 ára miðjumaður yfirgefur Real Madrid og segir ákvörðunina þá erfiðustu sem hann hafi tekið.
„Ég er mjög þakklátur fyrir fögur orð frá Madríd. Þetta hafa verið fimm frábær ár. Ég er að yfirgefa stað sem ég elskaði, þetta var erfiðasta ákvörðun sem ég hef tekið í lífinu. Ég þurfti að hugsa mikið um þetta," segir Alonso.
„Ég vil vera hreinskilinn við sjálfan mig og Real Madrid. Það þarf að þakka mörgum sem hafa hjálpað mér á Spáni og þjálfurunum þremur sem ég hef haft. Ég gat þróast sem leikmaður."
„Takk til starfsfólks félagsins sem lét mig líða eins og ég væri heima hjá mér og takk til stuðningsmanna sem sýndu mér virðingu og gáfu mér þá ást sem leikmenn þurfa. Ég verð alltaf í Madridista fjölskyldunni."
Athugasemdir
