Landsliðsþjálfararnir, Heimir Hallgrímsson og Lars Lagerbäck, völdu í lok síðustu viku hópinn sem mætir Tyrkjum í í fyrsta leik Íslands í undankeppni EM 2016. Leikurinn fer fram á Laugardalsvelli, þriðjudaginn 9. september, og hefst kl. 18:45.
Standið á hópnum er gott og flestir sem eru að leika lykilhlutverk með sínum liðum.
Standið á hópnum er gott og flestir sem eru að leika lykilhlutverk með sínum liðum.
„Þetta er svolítið breytt frá lok síðasta tímabils. Þá voru margir sem voru ekki að spila nægilega mikið, menn sem eru búnir að vera lykilmenn í landsliðinu. Það var áhyggjuefni á þeim tíma en gleðiefni að menn eru farnir að stimpla sig vel inn og spila lykilhlutverk," segir Heimir Hallgrímsson.
Nefnir hann menn eins og Aron Einar Gunnarsson, Gylfa Þór Sigurðsson, Jóhann Berg Guðmundsson og Kolbein Sigþórsson sem þurftu að sætta sig við bekkjarsetu en eru í stórum hlutverkum í dag.
„Það skiptir miklu máli fyrir landsliðið að þurfa ekki að koma mönnum í stand heldur er hægt að einbeita sér frekar að taktískum æfingum."
Heimir var í viðtali í útvarpsþættinum Fótbolti.net á X-inu FM 97,7 í gær en hægt er að hlusta á viðtalið í heild sinni í spilaranum hér að ofan.
Athugasemdir