Danny Welbeck.
Goðsögnin David Beckham segir að sér finnist leiðinlegt að sjá Danny Welbeck yfirgefa Manchester United en telur að leikmaðurinn muni láta ljós sitt skína hjá Arsenal. Welbeck kom í gegnum unglingastarf United en var seldur til Arsenal í gær.
„Arsenal hefur krækt í ungan og hæfileikaríkan enskan leikmann. Það er leiðinlegt að sjá hann yfirgefa Manchester United enda hefur hann verið þarna síðan hann var átta ára og hjarta hans var í Manchester," segir Beckham
Welbeck er núna í verkefni með enska landsliðinu sem mætir Noregi í vináttuleik á morgun en liðið býr sig undir að leika gegn Sviss í undankeppni EM.
„Þetta eru jákvæð tíðindi fyrir Danny Welbeck sem var ekki að fá þær mínútur sem hann vildi. Vonandi fær hann fleiri byrjunarliðsleiki og spiltíma hjá Arsenal," segir Roy Hodgson landsliðsþjálfari.
Athugasemdir
