Tók mikla áhættu sem borgaði sig
Þróttur Vogum komst í kvöld í undanúrslit 4. deildarinnar með því að vinna KFG samanlagt 3-2 eftir framlengingu. Þróttarar unnu fyrri leikinn 2-0 en KFG skoraði á fyrstu mínútu leiksins í kvöld og komst í 2-0 fyrir hálfleik.
Ekkert var skorað fyrr en í framlengingu þar sem Kristján Steinn Magnússon kom inn sem varamaður og skoraði sigurmarkið fyrir Þróttara og var svo tekinn aftur af velli stuttu síðar.
Ekkert var skorað fyrr en í framlengingu þar sem Kristján Steinn Magnússon kom inn sem varamaður og skoraði sigurmarkið fyrir Þróttara og var svo tekinn aftur af velli stuttu síðar.
„Við tókum fyrri leikinn sannfærandi en vorum arfaslakir í fyrri hálfleik í kvöld. Ég gerði taktískar breytingar í hálfleik og þær virkuðu. Mér sýndist vera meira á tanknum okkar í lokin. Við erum með mjög viljuga stráka í liðinu og við fórum yfir þetta í hálfleik," sagði Þorsteinn Gunnarsson, þjálfari Þróttar, eftir leikinn.
„Við sýndum mikinn karakter í framlengingunni. Ég setti Kristján inn í framlengingunni og tók mikla áhættu með hann því hann var búinn að vera tognaður aftan í læri. Ég sagði að ég myndi setja hann inn í fimm mínútur og taka hann svo út af þegar hann væri búinn að skora. Hann stóð við það og skoraði sigurmarkið."
Þróttur mun mæta Álftanesi í undanúrslitum og verður fyrri leikurinn á laugardag. Liðið sem vinnur það einvígi kemst upp í 3. deildina.
„Þróttur Vogum hefur tekið skref upp á við en liðið hefur aldrei komist í úrslit áður. Bæjarfélagið er að upplifa ævintýri. Álftanes er virkilega gott lið. Við verðum fyrir skakkaföllum fyrir undanúrslitin þar sem ég er að missa lykilmen," sagði Þorsteinn en viðtalið má sjá í heild sinni í sjónvrpinu hér að ofan.
Athugasemdir