U17 landslið karla beið lægri hlut 3-0 gegn Dönum í úrslitaleik Norðurlandamótsins og hlaut því silfurverðlaunin. Danir gerðu út um leikinn í fyrri hálfleik með þremur mörkum en ekkert var skorað í þeim síðari. Íslenska liðið þótti óheppið í leiknum og átti ekki síðri færi en það danska. Eitt marka Dana var sjálfsmark og hin tvö mörkin komu eftir klaufaskap í íslensku vörninni. Okkar drengir léku í heildina vel á mótinu og verður það að teljast frábær árangur að komast í úrslitaleik Norðurlandamóts.