Lestu um leikinn: Fram 1 -  3 Fjölnir

,,Þetta var frábær karakter og frábær stuðningur sem skóp þennan sigur í dag á frábærum velli, flott lið sem stóð sig með prýði. Strax frá fyrstu mínútu sýndum við sjálfstraust og héldum boltanum vel, vorum þolinmóðir og settum þrjú flott mörk. Sigur og þrjú stig í dag sem er kærkomið," sagði Ágúst í samtali við Fótbolta.net.

,,Við þurfum að treysta á okkur, þannig hefur það alltaf verið. Ef við erum í lagi þá uppskerum við, við vorum í lagi í dag og góð vinnusemi og ég vona að þannig verði það áfram."

Skemmtilegt atvik átti sér stað í hálfleik þegar Matthew Turner Ratajczak og Bergsveinn Ólafsson mættu seint í seinni hálfleikinn, Ágúst var með útskýringar á því.
,,Þeir sáu að það var mikil rigning í gangi og skiptu um skó, dómarinn gaf þeim ekki séns og komu þeir þessvegna aðeins of seint."

Annað skemmtilegt atvik þegar Aron Sigurðarson átti að koma inn á en tafir urðu á því.
,,Hann var með svamp fyrir legghlífar og þurfti að fara setja á sig legghlífar," sagði Ágúst.

Næsti leikur Fjölnis er heimaleikur gegn Stjörnunni.
,,Það verður mjög erfitt, taplaust lið að mæta í Grafarvoginn, en það verður hörkuleikur milli tveggja góðra liða."

Viðtalið í heild sinni má sjá hér að ofan.