Arsene Wenger segir meiðsli varnarmanna Arsenal ekki vera vandamál enda eigi félagið nóg af varnarmönnum fyrir stórleik gegn Borussia Dortmund í Meistaradeild Evrópu þriðjudagskvöldið.
Mathieu Debuchy, hægri bakvörður, er meiddur rétt eins og vinstri bakvörðurinn Nacho Monreal.
Mathieu Debuchy, hægri bakvörður, er meiddur rétt eins og vinstri bakvörðurinn Nacho Monreal.
Kieran Gibbs er nýkominn úr meiðslum og byrjar vinstra megin í stað Monreal en Calum Chambers er tæpur og gæti það þýtt að Hector Bellerin byrji í stöðu hægri bakvarðar á hinum erfiða Westfalenstadion.
Bellerin er 19 ára Spánverji sem hefur spilað einn leik fyrir Arsenal, sem varamaður gegn West Brom í deildabikarnum, og lék 8 leiki fyrir Watford í Championship-deildinni á síðasta tímabili.
Mathieu Flamini gæti þó einnig byrjað í stöðu hægri bakvarðar en það er ólíklegt ef marka má ummæli Wenger hér fyrir neðan.
,,Mér líður ekki eins og okkur vanti mannskap. Meiðsli Debuchy setja okkur í stöðu þar sem við viljum ekki nýjan leikmann," sagði Wenger.
,,Við erum með Chambers sem getur spilað í mörgum stöðum, Monreal sem getur líka spilað í miðverði og Hector Bellerin sem mér finnst tilbúinn í slaginn.
,,Bellerin er strákur með sterkan persónuleika. Honum líður ekki illa undir pressu og er öflugur leikmaður. Hann er snöggur og á góðar sendingar. Hann er hættulegur þrátt fyrir reynsluleysi."
Athugasemdir