Alan Hutton hefur skrifað undir nýjan þriggja ára samning við Aston Villa, eitthvað sem fáir sáu fyrir sér á síðustu leiktíð.
Þessi 29 ára gamli hægri bakvörður hefur verið úti í kuldanum síðustu tvö ár og hafði ekki spilað deildarleik undir stjórn Paul Lambert fyrr en á þessari leiktíð.
Þessi fyrrum leikmaður Tottenham og Rangers gekk til liðs við Aston Villa sumarið 2011 eftir þrjú ár hjá Spurs, þar af einu á láni hjá Sunderland.
Hutton hafði spilað undir 40 leiki á þremur árum fyrir Aston Villa og var búið að lána hann til Nottingham Forest, Real Mallorca og Bolton.
Nú hefur hann þó komið við sögu í hverjum einasta deildarleik og verið verðlaunaður með nýjum samningi.
Athugasemdir