Höskuldur skoraði tvö: Var með ágætis tilfinningu í nýjum skóm
Jón Þór: Þessi leikur á eftir að nýtast okkur helling
Dóri staðfestir viðræðuslitin: Var kannski ekki eins og menn höfðu séð fyrir sér
Gummi Tóta: Vonaðist til að hjálparvörnin kæmi
Andri Lucas: Vonandi komumst við á stórmót eins fljótt og hægt er
Daníel Leó: Menn eru ennþá í áfalli
Hákon Arnar: Ég vona það fyrir framtíðina
Stefnan er sett á HM - „Maður lærir mest þegar á móti blæs“
„Ekkert eðlilega svekkjandi, ömurlegt bara"
Jói Berg: Grátlegt að vera svona nálægt þessu og ná ekki á EM
Jón Dagur: Líður eins og tímabilið sé búið
Hareide lítur björtum augum á framtíðina - „Þurfum fleiri varnarmenn"
Furðar sig á ákvörðun Rebrov - „Held að Guðmundsson skori"
Beðið um mynd í miðju viðtali - „Ef þú syngur með okkur í 90 mínútur þá ertu í Tólfunni"
Joey Drummer: Besta stund sem ég hef upplifað
Siggi Bond með innherjaupplýsingar fyrir leikinn í kvöld
Sjáðu auglýsinguna fyrir Bestu deildina 2024 - Þekkt andlit í nýjum aðstæðum
27 þúsund miðar seldir á Úkraína - Ísland í Wroclaw skálinni
Víðir Sig: Væri gaman ef annar draumur myndi rætast í þessari borg
Jói bjartsýnn á að geta spilað - „Það róaði taugarnar ansi mikið"
   mið 17. september 2014 20:23
Mist Rúnarsdóttir
Dagný: Frábært að fá Tólfuna á völlinn
Dagný skoraði tvívegis og er markahæst íslensku leikmannanna í undankeppninni
Dagný skoraði tvívegis og er markahæst íslensku leikmannanna í undankeppninni
Mynd: Fótbolti.net - Hafliði Breiðfjörð
„Þetta var bara frábært. Við létum boltann ganga vel á milli okkar og fundum manninn í besta færinu og skoruðum níu mörk. Svo það var bara frábært að enda árið á 9-1 sigri,“ sagði Dagný Brynjarsdóttir glöð í bragði eftir frábæran stórsigur í lokaleik Íslands í undankeppni HM.

Íslenska liðið leit mjög vel út í kvöld eftir frekar slappa frammistöðu gegn Ísrael á laugardag. Dagný segir boltann hafa gengið hraðar og að ákvarðanir hafi verið betri í dag.

„Ég held að við höfum látið boltann ganga betur. Tókum færri snertingar og betri ákvarðanir. Þá gekk þetta bara betur.“

„Við vorum ekki ánægðar með nýtinguna í síðasta leik þannig að við vorum staðráðnar í að gera betur fyrir framan markið og við gerðum það í dag.“


En áttu íslensku leikmennirnir von á að Danir gætu tapað heima gegn Ísrael og Ísland gæti endað í 2. sæti?

„Allavegana ég. Við vorum svosem ekkert að hugsa um þann leik en í hálfleik fengum við að vita að þær hefðu tapað 1-0 þannig að við ákváðum bara að klára seinni hálfleikinn með stæl og gerðum það. Það er bara frábært að fá annað sætið.“

Mikið hefur verið rætt um frammistöðu Dagnýjar í undankeppninni en hún hefur þótt spila mjög vel og verið að skora mikið. Við spurðum hana út í sína frammistöðu.

„Já, já. Ég er held ég búin að skora sjö mörk í keppninni og það er bæting frá fyrri árum svo ég er bara sátt. Hefði nú alveg getað skorað fleiri. Fór illa með góð færi oft en jú, ég er ánægð með sjö mörk.“

Það var góð stemmning á pöllunum í dag og Tólfan, stuðningsmannasveit Íslands, fór þar fremst í flokki. Dagný vonast til að sjá Tólfuna í komandi leikjum þar sem það gefi íslenska liðinu aukinn kraft.

„Þetta var frábært. Gaman að fá Tólfuna loksins á leik hjá okkur. Ég ætla að vona þeir verði duglegir að mæta á völlinn á næsta ári þegar við förum í undankeppnina. Þeir eru duglegir að rífa upp stemmninguna í stúkunni.“

„Það gefur manni extra kraft og manni líður eins og við höfum 12 menn á vellinum. Ég vona að fólk haldi áfram að mæta og fjölmenna á völlinn hjá okkur.“


Þóra Björg Helgadóttir markvörður var að kveðja íslenska landsliðið í kvöld. Dagný lýsir henni sem frábærum markmanni og óskar henni góðs gengis í nýjum verkefnum.

„Hún er frábær markmaður, einn besti markmaður í heimi og auðvitað er þetta mikill missir en við eigum fullt af góðum markmönnum og það kemur nýr markmaður og hún heldur áfram með líf sitt. En það er frábært að hafa fengið að spila með henni. Hún er frábær markmaður og ég óska henni góðs gengis með sitt.“

Nú styttist í að leikmennirnir sem spila á Íslandi fái svolítið frí frá boltanum en þannig er það ekki hjá Dagnýju sem stundar nám í Bandaríkjunum og spilar þar fótbolta. Þar er nægur bolti framundan.

„Ég fer aftur núna á föstudaginn. Við erum búnar að vinna sex leiki og tapa einum. Það voru smá vonbrigði en það er fyrsti leikur í deildinni á sunnudaginn og þá fer allt á fullt þar,“ sagði Dagný meðal annars en hægt er að horfa á allt viðtalið við hana í sjónvarpinu hér að ofan.
Athugasemdir
banner
banner
banner
banner