Tillen hefur ekkert spilað á þessu tímabili vegna meiðsla sem hann varð fyrir á undirbúningstímabilinu, en hann brotnaði á sköflungi í stórsigri FH gegn HK í Lengjubikarnum í mars á þessu ári.

Tillen gegndi þó mikilvægu hlutverki í liði FH-inga á síðustu leiktíð og hefur nú skuldbundið sig félaginu til næstu þriggja ára.

FH er í 1. sæti Pepsi-deildarinnar með 48 stig þegar tvær umferðir eru eftir af tímabilinu.