KSÍ hefur ákveðið að bjóða þeim sem keyptu mótsmiða á landsleiki Íslands að fá frímiða á landsleik U21 liðs karla gegn Danmörku. Þetta kemur fram á heimasíðu KSÍ.
Af ksi.is:
Um leið og KSÍ þakkar góðar viðtökur á sölu mótsmiða viljum við bjóða hverjum og einum þeim sem keyptu slíka miða á landsleik U21 liðs karla sem fram fer á Laugardalsvelli 14. október n.k. en þá mætir liðið Danmörku í leik um sæti í úrslitakeppni EM sem fram fer í Tékklandi næsta sumar.
Fyrir hvern mótsmiða sem keyptur var fást afhentir 2 miðar á umræddan leik og þurfa mótsmiðahafar að senda tölvupóst á [email protected] , gefa upp nafn og kennitölu og miðarnir verða tilbúnir til afhendingar í næstu viku í afgreiðslu KSÍ á Laugardalsvelli.
Athugasemdir