mið 22. október 2014 14:15
Magnús Már Einarsson
Ingvar Kale: Mun skoða allt vel
Mynd: Fótbolti.net - Hafliði Breiðfjörð
Ingvar Þór Kale segist vilja vera áfram í herbúðum Víkings en samningur hans við félagið rennur út um áramótin.

Ingvar hefur ekki hafið viðræður um nýjan samning en hann segist vilja vera áfram í Fossvoginum.

,,Það heillar að sjálfsögðu að vera áfram í uppeldisfélaginu þegar það gengur vel," sagði Ingvar við Fótbolta.net í dag.

Ingvar er í fríi í Orlando en kemur heim síðar í vikunni. Þá ættu hans mál að skýrast. ,,Ég hef ekki heyrt í öðrum félögum en ég mun skoða þetta vel."

Ingvar er 31 árs gamall en hann kom aftur í uppeldisfélag sitt Víking frá Breiðabliki fyrir tveimur árum.
Athugasemdir
banner
banner
banner
banner
banner