Rudi Garcia, þjálfari AS Roma á Ítalíu, segir Roma verði stórveldi í Evrópu á ný en liðið jafnar sig nú eftir stórtap gegn Bayern München, 1-7.
Þýska stórliðið slátraði Rómverjum í miðri viku í Meistaradeild Evrópu en leikurinn fór fram á Ítalíu.
Garcia segir þó að uppbygging liðsins taki tíma og með hverju skrefi þá komi liðið til með að verða eitt það stærsta bæði á Ítalíu og í Evrópu.
,,Tapið gegn Bayern breytir engu. Við verðum að horfa fram á veginn og horfa á það jákvæða sem við höfum afrekað á þessu tímabili," sagði Garcia.
,,Sannleikurinn kemur allt í ljós á vellinum. Á þriðjudaginn þá sýndu þeir að þeir voru sterkari en markataln var þó ýkt. Meistaradeildin er erfið og við vissum það en við erum enn í öðru sæti riðilsins. Við munum nú einbeita okkur að deildinni."
,,Skref fyrir skref munum við gera Roma að stórveldi í Evrópu á ný," sagði hann að lokum.
Athugasemdir