Alexis Sanchez nýtti sér herfileg varnarmistök Sunderland og skoraði bæði mörk Arsenal í 2-0 sigri í leik liðanna í gær.
„Hann þakkaði fyrir sig og refsaði fyrir þessi mistök. Sanchez býr yfir gríðarlegum gæðum og er hraður í fótunum. Þess vegna vinnur hann fleiri bolta en meðalleikmaður," segir Arsene Wenger, stjóri Arsenal.
„Hann er fljótur að snúa sér í vörn úr sókn. Hann er snöggur að hugsa og vinnur boltann mjög snöggt."
„Við vorum ákveðnir í að taka stigin þrjú og það tókst. Leikurinn síðasta miðvikudag í Meistaradeildinni var erfiður og við vissum að það yrði erfitt að ná fram okkar besta leik."
Athugasemdir