Papiss Cisse ætti að geta spilað með Newcastle í leiknum en hann hefur fundið fyrir óþægindum vegna meiðsla í hné. Ef hann spilar ekki verður Ayoze Perez í fremstu víglínu.

Cheick Tiote er frá vegna meiðsla í kálfa og Mike Williamson er tæpur eftir að hafa misst af síðustu tveimur leikjum vegna meiðsla.

Jose Enrique, varnarmaður Liverpool, er meiddur á hné og spilar ekki gegn sínu fyrrum félagi en Daniel Sturridge, Mamadou Sakho, Suso og Jon Flanagan eru einnig fjarri góðu gamni.

Liverpool er í sjöunda sæti með 14 stig en Newcastle er í fjórtánda sæti með 10 stig. Liverpool er ósigrað í síðustu fjórum viðureignum við Newcastle.

Á meðfylgjandi mynd má sjá líkleg byrjunarlið að mati Guardian.