Nordsjælland tapaði fyrir Midtjylland með tveimur mörkum gegn engu í dönsku deildinni í kvöld.
Midtjylland situr í toppsæti deildarinnar á meðan Nordsjælland er í fjórða sætinu en Mario Ticinovic fékk að líta rauða spjaldið í liði Nordsjælland á 56. mínútu.
Mínútu síðar skoraði Pione Sisto og þá bætti hann við öðru þegar um það bil tuttugu mínútur voru eftir.
Leiknum lauk með 2-0 sigri heimamanna sem eru með 10 stiga forskot í deildinni og útlitið því ansi gott fyrir liðið. Ólafur Kristjánsson og félagar í Nordsjælland sitja áfram í fjórða sætinu með 20 stig, þó aðeins stigi á eftir Randers og FCK sem eru í öðru og þriða sæti deildarinnar.
Athugasemdir